కౌన్సిలింగ్తో మనోధైర్యం నింపిన పోలీసులు
విశాఖ దక్షిణం,(స్వతంత్ర ప్రభ)
ఆర్థిక ఇబ్బందులు, నిరుద్యోగ సమస్యలతో తీవ్ర మనస్తాపానికి గురై ఆత్మహత్యకు ప్రయత్నించబోయిన ఓ యువకుడిని వన్టౌన్ పోలీసులు సకాలంలో స్పందించి కాపాడారు. వన్టౌన్ పోలీస్ స్టేషన్ పరిధిలోని బీచ్ వద్ద ఓ వ్యక్తి ఆత్మహత్యకు ప్రయత్నిస్తున్నట్లు సమాచారం అందడంతో పోలీసులు వెంటనే అప్రమత్తమయ్యారు.బ్లూ కాట్స్ కానిస్టేబుళ్లను ఘటనాస్థలికి పంపించి యువకుడిని సురక్షితంగా కాపాడి పోలీస్ స్టేషన్కు తీసుకువచ్చారు. అనంతరం అతనితో మాట్లాడి సమస్యలను తెలుసుకున్న పోలీసులు కౌన్సిలింగ్ నిర్వహించి మనోధైర్యం కల్పించారు. ఆర్థిక ఇబ్బందులు, నిరుద్యోగం కారణంగా జీవితంపై విరక్తి చెంది ఈ నిర్ణయం తీసుకున్నట్లు యువకుడు పోలీసులకు తెలిపాడు.యువకుడి పరిస్థితిని అర్థం చేసుకున్న పోలీసులు అతని ప్రాథమిక అవసరాల నిమిత్తం ఆర్థిక సహాయం అందించారు. అనంతరం అతని స్నేహితుడిని పోలీస్ స్టేషన్కు పిలిపించి, యువకుడిని సురక్షితంగా అప్పగించారు. పోలీసుల కౌన్సిలింగ్తో ధైర్యం పొందిన యువకుడు ఇకపై ఇలాంటి చర్యలకు పాల్పడబోనని హామీ ఇచ్చాడు. ఎన్ని కష్టాలు ఎదురైనా ధైర్యంగా ఎదుర్కొని, కష్టపడి తనను తాను నిరూపించుకుంటానని తెలిపాడు. తన జీవితాన్ని మార్చుకుని ముందుకు సాగుతానని పేర్కొంటూ, తనను సకాలంలో కాపాడి మనోధైర్యం కల్పించిన పోలీసులకు కృతజ్ఞతలు తెలిపాడు.ఈయన ప్రాణాలు కాపాడడంలో చురుకుగా వ్యవహరించిన వన్టౌన్ సీఐ వరప్రసాద్ మరియు కానిస్టేబుల్స్ రామకృష్ణారెడ్డి మరియు సురేష్ లను ఉన్నతాధికారులు అభినందించడం జరిగింది.
